Германскиот технолошки гигант „SAP“ објави силни приходи за третиот квартал и ја зголеми својата годишна прогноза за клучните показатели, вклучувајќи ја поделбата на облак компјутери и софтвер, оперативниот профит и слободниот готовински тек.
И покрај депресивната германска економија, софтверската компанија напредува благодарение на нејзината стратешка насока кон вештачката интелигенција. Американските акции на „SAP“ пораснаа за 3,5 отсто во тргувањето после работното време и се отворија во вторникот во Франкфурт за 5 отсто.
„SAP“ останува една од компаниите со најдобри перформанси на европските пазари, со раст од 59% од годината до денес, затворајќи на 211 евра по акција во понеделникот. Во изминатите пет месеци акциите на компанијата постојано достигнуваа рекорди, за што придонесоа и позитивните резултати од активноста.
Приходите од облакот на „SAP“ се забрзуваат од почетокот на годината, растејќи меѓу 20% и 30% во првите три квартали. Успехот на основниот бизнис на компанијата со АИ е доказ за плановите за реструктуирање и стратешката промена.
Наспроти ова, извршниот директор Кристијан Клајн коментираше во својата последна изјава: „Ова е уште еден силен квартал за ‘ЅAP’ и ние самоуверено ја зголемуваме нашата финансиска прогноза за 2024-та година. Растот на приходите од облакот беше особено импресивен, особено за нашиот „Cloud ERP“ пакет. Што е уште поважно, постигнуваме силен напредок на полето на вештачката интелигенција со револуционерни иновации како што е „SAP Knowledge Graph“. Значителен дел од нашите зделки за облак во третиот квартал вклучуваше употреба на вештачка интелигенција“.
„Компанијата ќе продолжи да го заострува својот фокус на клучните области за стратешки раст, особено на ‘Business AI’. Ние, исто така, имаме намера да ја трансформираме нашата оперативна структура за да ги опфатиме организациските синергии, ефикасноста управувана од вештачката интелигенција и да се подготвиме за високо скалабилен иден раст на приходите“, соопшти „SAP“ во јануари.
Како дел од таа стратегија, најголемиот европски производител на софтвер објави план за укинување на 8.000 работни места за да го поддржи својот бизнис модел базиран на вештачка интелигенција, зголемувајќи ја таа цел на 9-10.000 во јули.
Сепак, реструктуирањето ја чинеше компанијата приближно 2,8 милијарди евра во првите девет месеци.
Приходите од облак услугите се зголемија за 25%, или 27% по постојани валути, додека вкупните приходи се зголемија за 9,4% на годишно ниво на 8,47 милијарди евра, надминувајќи ги проценките на аналитичарите од 8,47 милијарди евра.
„SAP“ објави заработка по акција од 1,23 евра – исто така над очекувањата.
Компанијата ја зголеми својата клучна прогноза за мерење за 2024-та година, проектирајќи ги облак услугите и приходите од софтверот да бидат помеѓу 29,5 милијарди и 29,8 милијарди евра, при што просечната бројка ќе се зголеми за 400 милиони евра, или 10-11% од годишно ниво.
„SAP“, исто така, очекува оперативниот профит да порасне за 20-23% на годишно ниво.
