„Volkswagen“ вели дека „Golf“ со мотори со внатрешно согорување би можел да опстане до 2035-та година, иако производителот на автомобили планира да претстави целосно нова електрична верзија во 2026-та година.
Кога „Volkswagen“ го претстави концептот „ID.2all“ во 2023-та година, добивме увид што можеме да очекуваме кога целосно новиот, целосно електричен „VW Golf“ ќе биде претставен во втората половина на оваа деценија.
Но, доаѓањето на тој автомобил нема да значи крај на „Golf“ со мотори со внатрешно согорување. Така барем тврди инженер на „Volkswagen“, кој вели дека популарниот хечбек би можел да опстане до 2035-та година.
Во изјавата за „Top Gear NL“, Каи Груниц од „VW“ предложи дека денешниот „Golf“, или барем неговата следна еволуција, би можел да биде на пазарот додека забраната на ЕУ за „SUS“ автомобили стапи на сила во 2035-та година.
Иако ослободувањето од е-гориво може да обезбеди иднина за некои автомобили со мотори со внатрешно согорување, поверојатно е тоа да биде случај само за суперавтомобилите, а не за обичните патнички автомобили и теренци на бензин.
„VW“ го рестилизираше „Golf“ оваа година, но сигурно ќе му треба барем уште едно големо освежување за да го продолжи неговиот животен век за уште 10 години.
Новиот „Golf EV“, кој пристигнува во 2026-та година, ќе биде поставен на целосно нова механичка платформа (SSP), развиена само за електрични возила, а не на „MEB“ основа што ја користат сегашните автомобили од семејството „ID“.
Не е тешко да се види зошто „VW“ можеби ќе сака да го задржи „Golf“ со бензински мотор додека регулаторите на ЕУ конечно не го принудат да се повлече.
Побарувачката на клиентите за електрични возила не е на нивото на коешто очекуваа производителите на автомобили, вклучително и „Volkswagen“, но побарувачката за „Golf“ се зголеми во последните месеци.
Продажбата на „Golf“ во Европа порасна за 43 отсто во првата половина на 2024-та година во споредба со истиот период од минатата година, со што е на второто место на листата зад „Dacia Sandero“, кој е значително поевтин од германскиот компакт.
