Времето на откривање на Алцхајмеровата болест може да биде клучно за продолжување на лекувањето, а новото истражување покажа дека вашиот партнер можеби ќе може да забележи одреден симптом пред лекарот.
Истражувачите од Медицинскиот факултет на Харвард сугерираат дека партнерот може да забележи промени во однесувањето побрзо отколку што проблемите со мозокот се појавуваат на скенирање или прегледи на лекар.
Во истражувањето учествувале 675 луѓе и се покажало дека оние чии сопружници се жалат на меморијата имаат поголема веројатност да развијат оштетување на мозокот. Тие имаа поголеми шанси лекарите подоцна да пронајдат заплеткани купчиња протеини, за кои се верува дека ги убиваат мозочните клетки.
Редовните прегледи покажале дека партнерите забележале промени дури и во таканаречената претклиничка фаза во која лекарите би се обиделе да го забележат проблемот. Авторката на студијата Ребека Амариљо истакнува дека е важно разбирањето на најраните знаци на Алцхајмерова болест, особено сега кога се достапни нови лекови.
„Нашата студија покажа дека раните сомнежи за проблеми со меморијата кај учесниците и луѓето кои добро ги познавале биле поврзани со повисоки нивоа на протеински наслаги во мозокот“, рече таа.
Научниците веруваат дека две третини од случаите на Алцхајмерова болест се предизвикани од акумулација на токсични протеини во мозокот години или дури децении пред пациентот да се разболи.
„Сега разбираме дека промените во мозокот поради Алцхајмерова болест започнуваат долго пред пациентите да покажат симптоми откриени од лекар. Има се повеќе докази дека поединците или нивните блиски членови на семејството може да забележат промени во меморијата пред клиничката мерка да открие докази за когнитивно оштетување“, вели Амариљо.
