Британскиот деловен весник The Financial Times потпиша договор со OpenAI, приклучувајќи се на голем број медиумски компании кои ги финализираа условите за користење на медиумските содржини за подучување на генеративната вештачка интелигенција.
ChatGPT ќе добие пристап до архивираната содржина од London Daily и ќе работи со FT за развој на нови производи за вештачка интелигенција, се вели во соопштението на двете компании во понеделникот.
Одговорите на ChatGPT ќе вклучуваат линкови до лондонскиот весник, се додава.
„Со партнерството (со ChatGPT) сакаме да ги истражиме практичните резултати од поврзувањето на изворите на вести и вештачката интелигенција“, рече извршниот директор на FT Group, Џон Ридинг.
Група медиумски компании веќе склучија слични договори со американскиот стартап за генеративна вештачка интелигенција, вклучувајќи ги Axel Springer, Associated Press, Le Monde и Prisa.
Некои компании веќе користат генеративна вештачка интелигенција во креирањето содржина. BuzzFeed објави дека ќе користи вештачка интелигенција за тестови на личноста, а New York Times користеше ChatGPT за да состави пораки за Денот на вљубените минатата година, забележува Ројтерс.
