Американската компанија „Lockheed Martin“ соопшти дека оди напред според предвиденото со засилување на производството на своите системи за оружје за да ја задоволи зголемената побарувачка во услови на растечка загриженост за безбедноста.
Војната меѓу Русија и Украина, кризата на Блискиот Исток и опасноста од кинеска агресија ја стимулираат побарувачката за вооружени системи произведени од американски одбранбени компании.
„Lockheed Martin“ соопшти дека е на пат да го удвои производството на своите артилериски ракетни системи со висока мобилност (HIMARS). Производниот капацитет за „HIMARS“ е веќе зголемен од 48 на 60 единици годишно и е на пат да достигне 96 единици годишно до крајот на 2024-та година.
Производството на противтенковски ракетни системи со рамо лансирање „Javelin“ е зголемено на 2.400 годишно. Капацитетот за производство на „Javelin“ се очекува да се зголеми на 3.960 единици годишно до крајот на 2026-та година.
Оваа година, компанијата ќе испорача повеќе од 10.000 водени повеќекратни ракетни системи (GMLRS) и има за цел да го зголеми производствениот капацитет на 14.000 годишно во 2025-та година.
Дополнително, „Lockheed Martin“ соопшти дека добил однапред средства за зголемување на годишните стапки на производство на ракети за воздушна одбрана PAC-3 MSE на 650 до 2027-ма година.
