Со цел да се спречи дехидрација, главоболки, губење на концентрацијата и сува кожа, сѐ повеќе луѓе посегнуваат по овој едноставен напиток пред утринското кафе.
Пиењето јаболков оцет, лимонада или зелен чај на празен стомак и многу други велнес трендови на кои сме сведоци во последно време, неодамна се придружи уште еден – пиење чаша вода со малку сол.
Сите знаеме колку е важно да пиеме доволно вода за нашето физичко и ментално здравје, а сега експертите предлагаат да додадете сол во утринската чаша вода за дополнителни придобивки.
Што се електролити и зошто ни се потребни?
Електролитите се соединенија кои создаваат позитивни или негативни јони кога се раствораат во вода. Тие играат важна улога во нашето здравје, регулирајќи сè, од функцијата на нервите до балансот на течности во нашите клетки до крвниот притисок и рамнотежата на pH во нашите тела.
Главните електролити се натриум, калиум, калциум, бикарбонат, магнезиум, хлорид и фосфат, но има и други минерали и елементи во трагови кои играат улога во оптималната хидратација.
Можете да добиете електролити во соковите, кесичките кои се додаваат во водата или едноставно можете да додадете малку хималајска сол во вашата вода бидејќи е исто така богата со клучни минерали.
Кој треба да пие вода збогатена со хималајска сол?
Количината на електролити што ви треба зависи од неколку фактори, вклучувајќи го нивото на физичка активност, возраста, внесот на течности и климата каде што живеете. Доколку многу се потите, често летате, консумирате алкохол, постите или ја менувате исхраната, тоа може да доведе до побрзо губење на електролитите, па овој напиток може да биде одличен сојузник во одржувањето на здравјето.
Кои се предностите на ваквата вода?
Водата збогатена со хималајска сол може да го надополни количеството на електролити што сте ги изгубиле во текот на ноќта, да му помогне на телото да хидрира побрзо и поефикасно, да го подобри варењето и да го стимулира природниот процес на детоксикација. Освен тоа, со овој едноставен ритуал можете да спречите дехидрација, главоболки, губење на концентрација и енергија и сува кожа.
Што се случува во вашето тело кога ви недостасуваат електролити?
Ако сте дехидрирани или на вашето тело му недостигаат електролити, може да забележите различни сензации, од мускулна слабост до грчење на очите, запек, замор, раздразливост до губење на концентрацијата и хронични главоболки.
Иако електролитите се важни за нашето здравје, не е неопходно да ги додаваме во секоја чаша вода. Во зависност од вашиот животен стил и режим на вежбање, доволни се еден до два пијалоци дневно.
Како да го направите овој пијалок?
Додадете прстофат (околу половина лажичка) хималајска сол во чаша млака изворска или филтрирана вода. Добро измешајте и испијте го напитокот на празен стомак. Наместо сол, можете да користите и ќесичка со електролити (избегнувајте ги оние што содржат вештачки засладувачи или ароми), кои можете да ги набавите во продавниците за здрава храна или спортска опрема.
Овој напиток се препорачува да го пиете веднаш по будењето, односно пред утринското кафе, бидејќи крвта се згуснува за време на спиењето, па затоа е важно да се разредува со зголемен внес на вода и електролити наутро и со тоа „разбудете ги“ внатрешните органи.
