Дијабетесот е хронична болест во која нивото на гликоза или шеќер во крвта се покачени. Постојат неколку причини за оваа болест, од кои најзначајна е промената на животниот стил што се карактеризира со поголем внес на висококалорична храна и намалена физичка активност.
Симптомите на дијабетес може да бидат различни, а најчесто вклучуваат зголемена жед, сува уста, често мокрење, необјаснето губење на тежината, промени во апетитот, заматен вид, замор и исцрпеност, печење на стапалата и бавно зараснување на раните.
Но, како што објави Медикал Њуз Тудеј, постои уште еден симптом за кој само неколку луѓе знаат дека може да укаже на дијабетес.
Станува збор за чести уринарни инфекции кои не поминуваат долго време и се враќаат. Една нова студија покажа дека високото ниво на гликоза во крвта кај луѓето со дијабетес резултира со недостаток на таканаречениот псоријазин, важен природен антибиотик кој штити од инфекции на уринарниот тракт.
