За многумина, утринската шолја топло домашно кафе е дел од нивната секојдневна рутина. Но, колку е добро да се консумира на празен стомак?
Има многу придобивки поврзани со конзумирањето кафе кога станува збор за гастроинтестиналниот тракт, тврди гастроентерологот д-р Сунана Сохи.
Важно е да знаете дека пиењето кафе на празен стомак не е лошо само по себе. Сепак, треба да знаете и кога ќе се појави проблем.
“Кафето влијае на нивото на желудочната киселина на повеќе начини. Како резултат на тоа, некои луѓе може да се соочат со проблеми, најчесто со варење”, објаснува д-р Сохи.
Покрај тоа, важно е да се знае следново.
„Не си играјте со вашите хормони. Кафето не само што е кисело, и тешко може да ни падне на желудникот. Буквално предизвикува нашето тело да реагира како да е под стрес и да произведува повеќе кортизол, а со вишок на овој хормон, ние сме во состојба на борба или бегство“.
„Затоа некои луѓе се нервозни кога пијат кафе наутро на празен стомак“, објаснува таа.
Но, што ако сè уште ви треба утринското кафе? Докторот вели дека има решение.
„Јадете нешто пред да пиете кафе, поставете го тоа како цел. Ветувам дека ќе забележите разлика ако се борите со хормонална нерамнотежа или дури и проблеми со цревата“, додаде таа.
Самото кафе е кисел пијалок. Кофеинот го стимулира производството на хормонот гастрин, кој е одговорен за производство на стомачна киселина. Иако ова соединение помага да се започне процесот на варење, исто така ја зголемува киселоста во желудникот. Конечно, фенолите, соединенија кои се наоѓаат во кафето, исто така придонесуваат за нивото на киселост во цревата.
