Во која положба обично спиете?
Ако имате проблеми со спиењето, ако се мачите и се фрлате и се вртите во кревет до утрото, можеби ќе ви помогне планот дизајниран од научници кои ги знаат можностите во вселената.
Таканаречената позиција на нулта гравитација може да ја подобри циркулацијата и да ги ублажи симптомите на рефлукс на киселина. Тоа го тврди експертот за спиење Мартин Сили и објаснува дека позата вклучува спиење со малку подигнати глава и стапала.
„Оваа положба е дизајнирана да ја стимулира положбата на телото кога е во бестежинска средина, како на пример во вселената“, објасни тој. Сили додава дека оваа позиција првично била развиена од НАСА за да им помогне на астронаутите да се прилагодат на ефектите од микрогравитацијата за време на вселенските летови, и оттогаш е прилагодена за употреба во болници и домови за стари лица.
„Прво, оваа положба помага да се намали притисокот врз ‘рбетот, што помага да се ублажат болките во грбот и другите непријатности кои можат да го попречат сонот. Второ, поставувањето на нозете над срцето може да ја подобри циркулацијата со намалување на силата на гравитацијата врз васкуларниот систем. Може да помогне да се спречи оток на нозете и стапалата и да се подобри протокот на крв во мозокот и другите витални органи“.
И трето, положбата може да ви помогне да ‘рчите помалку, но и да ги ублажите симптомите на рефлукс на киселина. За да создадете импровизирана положба за спиење со нулта гравитација, Сили препорачува перници за потпирање на главата и нозете.
