Една од најевтините намирници што треба да ја има секој во домаќинството, а која има повеќекратна примена во хигиената и негата, дефинитивно е содата бикарбона.
Еве кога е најдобро да ја користите.
Го освежува вашиот здив
Растворете една кафена лажичка сода бикарбона во чаша вода. Исплакнете со една голтка во устата, а потоа исплукајте го растворот. Ќе се неутрализираат непријатните мириси во устата.
Ги чисти и избелува ноктите
Ставете малку сода бикарбона на стара четка за заби и со неа измијте ги ноктите на рацете и нозете. На овој начин ќе ги омекнете кутикулите, а ќе ги исчистите и избелите ноктите кои често пожолтуваат од употребата на лакови, но и од никотинот кај пушачите.
Помага при прекумерна киселина во желудникот
Во чаша млака вода измешајте една лажица сода и испијте ја одеднаш. Ова многу ќе придонесе за намалување на непријатноста предизвикана од стомачната киселина.
