Кофеинот може да предизвика кратко зголемување на крвниот притисок, дури и ако немате дијагностицирана хипертензија. Сè уште не е јасно што точно предизвикува скок на крвниот притисок кога пиете кафе, а реакциите на кофеинот може да варираат од личност до личност.
Некои истражувачи веруваат дека кофеинот го блокира хормонот кој им помага на артериите да се шират. Други мислат дека кофеинот предизвикува надбубрежните жлезди да се стимулираат и ослободуваат вишок адреналин – што предизвикува зголемување на крвниот притисок.
Некои луѓе кои редовно пијат пијалоци со кофеин имаат повисок просечен крвен притисок од оние што не пијат, а со текот на времето развиваат поголема толеранција кон кофеинот. Како резултат на тоа, кофеинот нема долгорочен ефект врз крвниот притисок.
Ако имате висок крвен притисок, најдобро е да се консултирате со вашиот лекар за тоа дали треба да го ограничите или престанете да пиете пијалоци со кофеин.
Американската агенција за храна и лекови вели дека 400 милиграми кофеин дневно се безбедни за повеќето луѓе. Меѓутоа, ако сте загрижени за влијанието на кофеинот врз вашиот крвен притисок, обидете се да го ограничите внесот на кофеин на 200 милиграми дневно – приближно еднакво на две шолји кафе.
Имајте на ум дека количината на кофеин во кафето, енергетските пијалоци и другите пијалоци со кофеин варира во зависност од брендот и начинот на подготовка. Исто така, ако имате висок крвен притисок, избегнувајте кофеин веднаш пред активности кои природно го зголемуваат крвниот притисок, како што се вежбање, кревање тегови или тешка физичка работа.
За да видите дали кофеинот го зголемува вашиот крвен притисок, измерете го крвниот притисок пред да испиете шолја кафе или друг пијалок кој содржи кофеин и повторно измерете за 30 до 120 минути подоцна. Ако ви се зголеми крвниот притисок – можеби сте чувствителни на кофеин. Ако планирате да го намалите кофеинот, направете го тоа постепено во текот на неколку дена до недели за да избегнете главоболки.
Не гуглајте за болести, било каква промена или здравствен проблем пријавете ја на вашиот лекар и консултирајте се за третман и терапија.
