Благата загуба на меморијата е нормална последица на стареењето. Мозокот, како и кожата, но и сите други органи старее. Можеби ќе се изненадите кога одеднаш во четириесеттите години не можете да се сетите на некои детали.
Но, не плашете се, тоа е нормално. Всушност, нашата меморија е најдобра во нашите 20-ти, а потоа полека опаѓа. Обично луѓето во раните 40-ти ги забележуваат првите промени во нивната меморија.
Добрата вест е дека стареењето на мозокот може да биде одложено со промени во исхраната. Најважната промена што можете да ја направите? Вклучете хранливи материи како омега-3 масни киселини во вашата исхрана.
Омега-3 масните киселини се најдобрите хранливи материи за здравјето на мозокот, токму затоа масната риба е најдобрата храна за спречување на губење на меморијата. Од природната храна, лососот, скушата, туната и харингата имаат најмногу омега-3 масни киселини. Токму затоа експертите предлагаат да ги вклучите во вашата исхрана за подобро здравје на мозокот.
Сепак, придобивките од омега-3 масните киселини не застануваат само на мозокот. Токму овие типови на масти се поврзани со намален ризик од срцеви заболувања, помагаат во одржување на нивото на триглицеридите (мастите во крвта) и можат да ги намалат симптомите на артритис.
Значи, како омега-3 масните киселини помагаат да се спречи губењето на меморијата? Всушност, вашиот мозок содржи многу масни клетки, а многу од нив се направени токму од омега-3 масни киселини. Што значи дека помагаат во одржувањето на мозокот со градење на клетки, што е клучно за когнитивното здравје, меморијата и целокупната функција на мозокот.
Исто така, бројни студии покажаа дека омега-3 масните киселини можат да спречат деменција и Алцхајмерова болест, двете болести поврзани со стареење на мозокот и губење на меморијата.
