Постојат најмалку пет причини што почесто да го консумирате ова овошје…
Една калинка задоволува дури 16 проценти од дневните потреби за витамин Ц. Затоа не е чудно што се препорачува за редовно консумирање со цел зајакнување на имунитетот, а особено во време на сезонските настинки, вирози и грипови.
Го штити срцето
Во калинката се наоѓа и антиоксидантот пуникалагин кој благотворно делува на здравјето на срцето и крвните садови. Редовното консумирање на овој плод го намалува крвниот притисок и ја намалува количината на лошиот холестерол во организот.
Го подобрува расположението
Ако сакате да го промените расположението на подобро, консумирајте калинки. Ова овошје е полно со фитохемикалии кои го поттикнуваат создавањето на серотонин, хормон кој регулира бројни биолошки функции во телото, од телесната температура до апетитот. Кога е во рамнотежа, дава чувство на ментална релаксираност и задоволство.
Ги чува забите и коските
Калинката е богата со калиум, калциум, фосфор и железо, па се смета и за голем чувар на здравјето на забите и е одличен во превенцијата за остеопороза.
Го подобрува квалитетот на спермата, спречува еректилна дисфункција и ја штити простатата
Докажано е дека екстрактот од калинка има и до десет пати посилно дејство од самиот плод. Една чаша сок дневно, на пример, го подобрува квалитетот на спермата, ја намалува можноста од еректила дисфункција и ја штити простатата. Сокот од калинки е одличен сојузник за уништување на бактерии во организмот како ешерихија коли и стафилокока.