Ако имате семејна историја на срцеви заболувања или други кардиоваскуларни проблеми, тоа не значи дека сте осудени на истото.
Иако генетиката игра важна улога во здравјето на срцето, се проценува дека 90 проценти од срцевите заболувања може да се спречат преку исхрана и начин на живот.
Кардиологот д-р Норман Лепор тврди дека постои една навика која може да има катастрофални ефекти не само на срцето, туку и на целокупното здравје.
„Пушењето значително го зголемува ризикот од мозочен удар, срцев удар и периферна васкуларна болест, што може да доведе до ампутација на ногата во тешки случаи“, вели д-р Лепор. Тој додава дека редовното пушење може да предизвика и таложење на наслаги во коронарните артерии, што може да го подигне нивото на ЛДЛ, односно лошиот холестерол.
Ако пушите, можеби ви изгледа тешко да се откажете, но тоа е најдоброто нешто што можете да го направите за вашето здравје. Д-р Лепор ги охрабрува сите кои пушат да разговараат со својот лекар за опциите кои им се достапни за да ја прекинат оваа штетна навика, пренесува Index.hr.
На здравјето на срцето негативно влијае седечки начин на живот, исхрана богата со заситени масти и натриум, како и прекумерната тежина.
