Џејсон Момоа приреди големо изненадување за гледачите на „Џими Кимел лајв“ во средата вечерта.
Ѕвездата на „Аквамен“ (43) пристигна во студиото облечен во виолетови сатенски пижами и розово кадифено палто со сјајни украси, односно во својот костим за филмот Slumberland на „Нетфликс“.
Но набрзо се соблече и се појави пред јавноста во традиционален хавајски стил.
Спонтаниот стриптиз беше одговор на возбудата предизвикана од видеото за риболов што тој го објави на социјалните мрежи, Овој потег ги вчудовиди фановите, па дури и самиот водител на емисијата.
„Правам шоу. Јас сум писател, режисер и продуцент на серијата Chef of War на ‘Епл’, чие дејствие е сместено во 80-тите и 90-тите на Хаваите. Ова е она што го носам секој ден. Само што се подготвував за улогата и сакав да се претопам со улогата, па го изложив мојот бел задник на сонце“, рече Џејсон, коментирајќи го риболовното патување.
Актерот призна дека почнал да се одвикнува од облека.
„Всушност, повеќе не сакам да носам облека. Оваа наметка ја носам секој ден. Ја носам цело време“, рече актерот, по што на сите гости во студиото им покажа дека ја кажува вистината.
