Истражувањата покажаа дека постојат одредени крвни групи кои се поотпорни на одредени болести, па овие луѓе живеат подолго и поздраво.
Имено, преку истражување, научниците утврдиле како крвната група може да влијае на целокупното здравје на една личност. Научниците докажаа дека луѓето со крвна група А се помалку отпорни на маларија од другите крвни групи, па може да се каже дека крвната група А е „послаба“ од останатите.
Долгорочните студии утврдиле дека крвната група која доминира кај сите други е крвната група 0. Докажано е дека луѓето со крвна група 0 имаат помал ризик да заболат од кардиоваскуларни болести како што се мозочен удар и срцев удар, дека помалку имаат проблеми од другите крвни групи со памтење, како и помала веројатност да страдаат од одредени видови на рак, како што се ракот на панкреасот и ракот на желудникот. Поради тоа што организмот е поотпорен на болести, најдолго живеат луѓето со крвна група 0.
Една од досега откриените причини зошто крвната група 0 е најздрава е тоа што крвта од оваа група содржи помалку молекули кои можат да предизвикаат згрутчување на крвта, а срцевите и мозочните удари се предизвикани од згрутчување на крвта. Дополнително, она што е добро за срцето е добро и за мозокот, така што многу фактори на ризик за кардиоваскуларни болести се исто така фактори на ризик за ментална болест.
