Кинеските власти ги посетија канцелариите на германскиот фармацевтски гигант „Bayer“ во таа земја, во рамките на истрагата која се води против странските фармацевтски компании.
Истрагата е покрената поради неоправдано високите цени.
Кинеските истражувачи минатиот месец посетија една од канцелариите на „Bayer“, со цел да го истражат случајот за неправедната конкуренција, се вели во соопштението на „Bayer“, пренесува агенцијата Франс прес.
Кина покрена голема истрага против странските фармацевтски компании, обвинувајќи неколку за злоупотребување на позицијата со цел незаконски да ги подигнат цените.
