Околу 10 отсто од возрасните имаат проблем со зуење во ушите, покажуваат најновите истражувања. Овој феномен е нешто почест во староста и кај мажите.
Тинитус (зуење во увото) е феномен кога слушате звук без присуство на надворешен звучен стимул.
Причините можат да бидат различни: може да има промени во крвните садови на главата и вратот, грчење на мускулите на средното уво, болести на самото уво, повреди на главата или вратот, мултиплекс склероза, заразни болести, сифилис… Но и употребата на одредени лекови.
Покрај тоа, тинитус се јавува и кај луѓе со висок крвен притисок, како и кај луѓе со слаба циркулација.
Ако зуењето се појави поради слаба циркулација во ушите, таа личност треба да го елиминира кофеинот, цигарите, алкохолот и да го намали внесот на сол.
Понекогаш зуењето во ушите може да биде и резултат на наталожен восок. Кога се акумулира премногу, може да го иритира тапанчето и да предизвика тинитус.
Доколку зуењето е често, ве советуваме да посетите лекар за да го проверите вашето здравје.