28 март, 2024
ПочетнаИНТЕРЕСНОВардар се прости со ЛШ со реми кај Веспрем

Вардар се прости со ЛШ со реми кај Веспрем

Европскиот пат за Вардар завршува во осминафиналето на Лигата на шампионите, откако на гостувањето кај унгарскиот ривал Веспрем одиграа 31:31 со одличен камбек во финишот на мечот.

Елиминацијата беше очекуван исход, откако на првиот меч пред домашна публика, тимот на Дејвид Дејвис претрпе катастрофален пораз со осум гола разлика (22:30), така што малкумина веруваа во „чудо“ во Унгарија. Веспрем ќе се бори за настап на Фајнал 4 турнирот и шанса за прва европска титула против данскиот Олборг.

Веспрем имаа подобар старт на мечот и направија предност од два гола разлика, која во очајниот финиш на првото полувреме за Вардар ја зголемија на пет гола (18:13). „Црвено-црните“ имаа подобро второ полувреме, за да ја надополнат разликата и да се простат со 31:31 реми.

Јоел Моралес и Кевин Њокас постигнаа по пет гола за Вардар, додека кај победничкиот тим, Јахија Фати Омар беше најефикасен со седум постигнати гола.

НАЈНОВИ ВЕСТИ

ХОРОСКОП