Брокерската куќа „Merrill Lynch“ и нејзината мајка-компанија „Bank of America“ ќе платат 160 милиони долари поради дискриминација на работниците со афроамериканско потекло, пишува американскиот дневник Њујорк Тајмс.
Со тоа ќе заврши осумгодишниот спор кој го иницираа 700 брокери Афроамериканци кои работеле во таа компанија, пренесува агенцијата Франс прес.
Станува збор за најголемата казна која ја добила некоја компанија во САД поради расна дискриминација.
