Сениорската машка кошаркарска репрезентација на Македонија е рангирана на 53. место на светската рејтинг листа на ФИБА. На најновото издание објавено по завршувањето на февруарските настапи од квалификациите за Светското првенство 2023 година на кои Македонија забележа два пораза, нашиот национален тим бележи пад од една позиција.
Кога се однесува до ранкингот во Европа, репрезентацијата на Македонија ја зазема 30. позиција со 201.5 освоени поени.
Женската сениорска кошаркарска репрезентација на Македонија забележа пад од осум места и сега се наоѓа на 80. место во светот, односно 36. место во Европа со 76.8 освоени поени.
