За повеќето од нас „Dial-up“ е далечно минато, нормално тоа е така откога на нашите простори се појави „ADSL“. Понекогаш можеме да прочитаме дека во некои неразвиени земји се уште се користи „Dial-up“ како начин за поврзување на Интернет, но кога во тие информации ќе се спомене Велика Британија, тогаш во најмала рака предизвикува чудење.
Така се појави веста дека на први септември „British Telecom“ ќе ја укине услугата „Dial-up“ за своите корисници и ги поканува да се префрлат на „broadband“ каде и да е достапен.
Моменталната месечна претплата на „Dial-up“ изнесува 17,25 фунти, додека најевтиниот „broadband“ пакет чини 10 фунти.
„British Telecom“ проценува дека околу 1000 нивни корисници нема да можат да се префрлат на „broadband“ поради непокриеноста на тој дел од земјата од страна на мрежата на „British Telecom“, па поради тоа ќе мораат да ја одберат „PulsNet“ која е во сопственост на „British Telecom“.
