Најголемата прехрамбена компанија во светот „Nestle“, отвори нов погон во фабриката за замрзнати пици „Wagner“ во Германија, вреден 50 милиони евра.
Со оваа инвестиција зголемено е производството на „Wagner“, вклучувајќи ги брендовите „Big Pizza“, „Piccolinis“ и „Die Backfrische“, а отворени се и 50 нови работни места, се наведува во соопштението на компанијата.
Според зборовите на главниот директор за технолошки операциии на компанијата, овој погон е најсовремениот погон за производство на замрзнати пици во Европа.
Оваа инвестиција е дел од постојаните настојувања на компанијата „Nestle“ да ја зајакне својата стручност во областа на замрзнатите јадења.
Оваа година компанијата најави и инвестиции од речиси 40 милиони евра во истражувањето и развојот во сегментот на замрзнатата храна во Соединетите Американски Држави.