Американскиот индустриски гигант „General Electric“ ќе се подели на три компании, откако веќе со години нејзините акции се претставуваат послабо на пазарот, објави компанијата.
Компанијата ќе биде поделена на посебни компании кои ќе се фокусираат на воздухопловството, здравството и енергетиката.
„GE“ планира да ја раздвои компанијата во областа на здравството до 2023-та година, а енергетската компанија до почетокот на 2024-та година.
Акциите на „GE“ поскапеа во берзанското тргување по изјавата.
„Со создавање на три глобални јавни компании водечки во индустријата, секоја ќе има корист од поголем фокус на она што го прави, распределба на капиталот и стратешка флексибилност за да се продолжи со долгорочен раст и вредност за клиентите, инвеститорите и вработените. Ја применуваме нашата технолошка експертиза, лидерство и глобален дострел за да работиме за подобро да им служиме на нашите клиенти“, рече извршниот директор Лоренс Калп во изјавата.
Името „GE“ ќе продолжи да коегзистира со авиокомпанијата откако планираната поделба ќе биде финализирана, а Калп ќе продолжи да раководи со поделбата, соопшти компанијата.
Високото ниво на задолженост силно ја оптоварува компанијата во последниве години, предизвикувајќи скептицизам на Волстрит. Капиталните структури на новите компании ќе бидат објавени во подоцнежна фаза, информираат од „GE“.
