Британската банка „HSBC“ објави изненадувачки скок од 74% во добивката за третиот квартал, откако поминаа стравувањата од влошување на кредитите поради пандемијата. Тоа му овозможи на заемодавачот да објави програма за откуп на акции од 2 милијарди долари.
Сепак, „HSBC“ рече дека нејзините проценки за трошоците за 2022-ра година се зголемени на 32 милијарди долари од 31 милијарда долари поради инфлаторните притисоци.
„Иако одржуваме претпазливи изгледи за надворешно ризично опкружување, веруваме дека тешкотиите од последните квартали се зад нас“, рече извршниот директор Нил Квин во денешата изјава.
Квин, кој беше избран во 2020-та година токму на почетокот на економската криза предизвикана од пандемијата со коронавирусот, се обложува на Азија за раст со преместување на меѓународните директори таму и истурање милијарди во профитабилниот бизнис за управување со благосостојбата.
Банката објави добивка пред оданочување од 5,4 милијарди долари за кварталот до крајот на септември, што е повеќе од 3,1 милијарди долари една година порано. Просечната проценка на 14 аналитичари анкетирани од „HSBC“ беше за профит од 3,78 милијарди долари.
„HSBC“ ослободи 700 милиони долари од резервите издвоени за обезбедување лоши заеми како резултат на пандемијата. Во исто време минатата година, додаде 800 милиони долари во резервите токму за такво развојно сценарио.
Меѓутоа, во реалноста, економските услови се подобруваат, а заемите се подобри од очекуваното, рече кредиторот.
Резултатите на банката со седиште во Лондон беа претставени во време кога „Citigroup“ го користи бумот во спојувањата и преземањата, а во исто време ги компензира слабостите на кредитниот бизнис.
Сепак, инвестициското банкарско работење на „HSBC“ објави пад на профитот во споредба со истиот период од минатата година, поради послабите резултати, особено во бизнисот со глобалните долгови.
Тоа е вториот кредитор во Обединетото Кралство што испорачува силни резултати за кварталот, откако „Barclays“ во четвртокот објави дека го удвоил својот профит во услови на силни деловни перформанси за инвестициски совети.
Акциите на „HSBC“ со седиште во Лондон пораснаа за 15% од почетокот на годината. За споредба, цената на акциите на „Standard Chartered“, фокусирана на Азија, порасна за 5%, на „Barclays“ за 35%, а „Citi“ на американската берза за 16%.
