Анксиозноста е еден од најчестите психолошки проблеми, иако повеќето луѓе кои се борат со неа – никогаш не посетуваат лекар.
Се случува некои од нив да завршат во Ургентен центар поради панични напади, срцебиење и други непријатни симптоми, и не е невообичаено лекарите да им кажат дека не ја пронашле вистинската причина за нивната состојба.
Ова може да се објасни со фактот дека анксиозноста е донекаде недофатлив концепт кој може да значи неколку работи, а особено е тешко да се дијагностицира бидејќи нејзиното ниво не може да се измери. Токму од овие причини, во јавноста има многу заблуди за луѓето кои страдаат од анксиозност. Ќе се потрудиме да разоткриеме три такви митови во следните редови…
Анксиозните луѓе не се способни да ги контролираат своите емоции
На нападите на паника обично им претходи некој непријатен настан или непријатно сознание, поради што луѓето од опкружувањето на лицето кое ја доживува оваа криза често мислат дека неговиот проблем е што не е способен да се справи со своите емоции и да остане ладен под притисок. Она што тие не го знаат е дека анксиозните луѓе можат да се борат со оваа состојба со години пред да се манифестира, така што секој ќе може да ја препознае, згора на тоа некои од анксиозните луѓе се вистински експерти за да ја сокријат својата ментална напнатост.
Анскиозните луѓе сакаат секогаш да бидат сами
Иако е вистина дека многу луѓе кои страдаат од анксиозност не сакаат да одат на јавни места и честопати прескокнуваат дружење и излегување, тоа не значи дека е добро за нив. Јасно е дека на овој начин тие сакаат да ја избегнат потенцијалната криза која може да се појави меѓу другите луѓе, но дури и тие знаат дека со тоа само го зголемуваат чувството на несигурност и воопшто не придонесуваат за нивно заздравување. Поради сето ова, ви препорачуваме да не се двоумите да ги посетите вашите анксиозни пријатели. Верувајте, тие ќе ви бидат благодарни за тоа.
Анксиозните луѓе сакаат за сè да се грижат
Веселите луѓе, кои не страдаат од анксиозност, не се способни да разберат зошто другите луѓе едноставно не престануваат да се грижат за неважни работи. Со текот на времето, тие почнуваат да мислат дека тоа е личен избор на некои луѓе и дека едноставно сакаат да се нервираат за мали нешта. Ништо не би можело да биде подалеку од вистината. Од разговор со анксиозни луѓе, ќе дознаете дека повеќето од нив имаат само една желба, а тоа е да се ослободите од стресот и напнатоста еднаш засекогаш.
