Португалскиот ас, Кристијано Роналдо не учествувал на тренингот на Јувентус од 10.45 часот утринава.
Претходно, тој, според информациите на италијанските медиуми, дошол во тренинг-комплексот на Јувентус „Континаса“, каде се збогувал од соиграчите и триесетина минути подоцна го напуштил местото.
Информациите се дека Роналдо вечерва ќе отпатува за Манчестер, каде што по прегледите ќе потпише договор со „граѓаните“.
Тој инсистираше да ја промени средината, а од Сити прифатиле да платат отштета од околу 30 милиони евра.
Роналдо три години го носеше дресот на „Старата дама“, одигра 134 натпревари и постигна 101 гол.