Менаџерот на Арсенал, Арсен Венгер призна дека продолжува со побарувачката на нови засилувања за новата сезона.
Веќе подолго време продолжува трансферната сага за Луис Суарез од Ливерпул, а сега се појавија информации дека „топџиите“ се заинтересирани и за играчот за врска на Баерн, Луис Густаво.
Тренерот на Арсенал не негира дека бара нови засилувања, додавајќи, сепак, дека веќе е време тимот да се фокусира и врз претстојниот почеток на сезоната.
„Ние продолжуваме да ја следиме ситуацијата на пазарот и да бараме опции за засилување на нашиот состав. Сега сепак е важно да се фокусираме на играчите, кои веќе се со нас и да почнеме да размислуваме за претстојниот почеток на сезоната, а не само за трансфери“, изјави Венгер.
