Кожата бара и внатрешна и надворешна нега и многу брзо покажува како ја третираме. Освен природната боја на кожата, има и премногу невообичаени бои, односно нивни нијанси кои можат да се појават поради разни физички заболувања. Тие бои можат да се појават и на косата, очите, усните и ноктите.
Нормалната здрава кожа е чиста, мазна, малку сјајна и не премногу влажна. Доколку е поинаку тоа значи дека станува збор за некаква болест. Убавата кожа е резултат на избалансирана исхрана и оптимално количество на вода во телото.
Црвената кожа укажува на вишок мрсна храна, богата со шеќери, зачини, стимуланси и алкохол. Црвената боја на кожата покажува дека капиларите се проширени, а постои можност и за заболување од рак на бели дробови и органите за дишење.
Жолтата кожа открива дека е многу зголемено конзумирањето на јајца, месо и морков. Ваквата кожа укажува на проблеми со жолчното ќесе, црниот дроб и бубрезите.
Виолетовата кожа настанува кога се конзумираат премногу сокови, слатко, лекови и хемикалии (адитиви). Можат да се појават проблеми со цревата, дигестијата и хормоните.
Белата кожа го одразува зголеменото внесување на храна од животинско потекло, богата со масти и соли. Тоа упатува на стеснување на крвните садови и капилари, заболување на црниот дроб, слезината и лимфата.
Сината кожа е резултат на вишок на сол, шеќер, алкохол и сите видови на стимуланси. Најчеста е кај алкохоличарите. Таа упатува на заслабната работа на црниот дроб, слезината и панкреасот.
Кафената кожа упатува на проблеми со цревата, заболување на бубрезите и системот за излачување. Лицето со ваква боја на кожата внесува премногу белковини, масти и шеќери.
Зелена кожа имаат оние кои премногу внесуваат хемикалии и лекови во својот организам. Тоа може да биде знак за развој на циста, тумор или рак.
