Кризата предизвикана од коронавирусот и големите инвестиции во дигитализацијата и мрежната трговија ставија прачка во „тркалото“ на производителот на „Nivea“ и „Eucerin“ – германскиот „Beiersdorf“. По падот на минатогодишната добивка, бордот на директори мораше да се откаже од своите среднорочни цели.
„Поставивме нови среднорочни цели, тие едноставно не се толку специфични“, рече Астрид Херман, која од утре ќе ја преземе функцијата главен финансиски директор.
Првичната цел за 2023-та година е поврат на продажбата од 16 до 17 проценти во потрошувачкиот бизнис беше поставена во време „кога никогаш немавме слушнато за Ковид-19. Инвеститорите беа разочарани од оскудните податоци за идните очекувања што предизвика пад од 6% на акциите на „Beiersdorf“ кој беше најсилен пад кај компаниите во водечкиот германски индекс „Dax“ во средата.
Во меѓувреме, извршниот директор Стефан Де Локер изрази уверување дека може да се очекуваат значителни подобрувања во однос на позадината на вакцинациите до крајот на 2021-ва година. За одделот за потрошувачи, тој ги постави очекувањата за неопределен раст на продажбата и оперативен принос на „EBIT“ на нивото од претходната година. Продажбата на подружницата за лепила „Tesa“ исто така треба да се зголеми, но оперативната маргина ќе биде пониска од претходната година поради „значајни“ инвестиции.
Со дополнителни 300 милиони евра во следните пет години – повеќето од нив во следните две години – „Beiersdorf“ планира значително да го прошири својот бизнис преку Интернет. Со оглед на тоа што е-трговијата бележи раст за 50 проценти во 2020-та година и веќе генерира околу 8-9 проценти од вкупната продажба, таа треба да „заземе значителен двоцифрен процентен удел“ до 2025-та година, рече Де Локер.
Благодарение на растечкиот бизнис во Азија во втората половина на годината, „Beiersdorf“ беше во можност да го ограничи падот на приходите во 2020-та година и да добие удел на пазарот „за сите стратешки брендови, во сите категории за нега на кожата и во сите региони“, рече извршниот директор.
„Генерално, во 2020-та година добивме поголем удел на пазарот отколку во која било од последните пет години“, вели Де Локер.
Сепак, поради континуираното високо ниво на инвестиции во нови производи и дигитализацијата, профитот падна за речиси една петтина. На крајот, за изминатата година пред еднократните позиции, профитот изнесуваше 636 милиони евра. Како и да е, на акционерите мора да им се исплати непроменета дивиденда од 70 центи по акција. Органските приходи паднаа за 5,7%, на околу 7 милијарди евра.
Инвеститорите беа разочарани.
„Фискалната 2021-ва година требаше да биде година на закрепнување. Сега знаеме дека тоа е година на ново ресетирање и маргините нема да го надминат ниското ниво од претходната година“, велат аналитичарите од „Bernstein“ за „n-tv“.
