Швајцарската фармацевтска компанија „Novartis“ минатата година ја зголеми својата добивка за 13% на 8,07 милијарди долари и планира да им исплати дивиденда од три франци по акција на своите акционери. За 2021-ва година, сепак, компанијата со седиште во Базел предвидува раст на приходите од само 5%.
Извршниот директор Вансант Нарасимхан предвидува дека пандемијата на коронавирусот ќе продолжи да има негативно влијание врз здравствените системи во првите два квартали од оваа година и, во исто време, и врз деловниот бизнис на „Novartis“. Потоа, продажбата треба значително да се зголеми во втората половина на годината.
Оперативната добивка, прилагодена на еднократните ефекти, треба да се зголеми за едноцифрен процент, но посилно од продажбата.
Вчера, акциите на „Novartis“ паднаа за 3% на берзата во Цирих. Аналитичарот, Шефан Шнајдер, коментира дека „Novartis“ не ги исполни очекувањата за профитабилност. Ова главно се должи на пандемијата. Шнајдер веќе ја ревидираше својата прогноза за четвртиот квартал во пресрет на извештајот, бидејќи пандемијата веројатно ќе ја затегне продажбата на некои производи.
За 2020-та година, приходите на „Novartis“ се 48,66 милијарди долари, што е за 3% повеќе. Прилагодената оперативна добивка порасна за 13% на 15,42 милијарди долари. Сепак, оперативната добивка беше засенета од плаќањата во правните спорови. Како резултат на тоа, расположивата готовина (готовинскиот тек) се намали за 10%.
Главниот двигател на продажбата е лекот за срце „Entresto“ – продажбата се зголеми за 35% до 716 милиони долари. Додека за својот најпродаван лек „Cosentyx“ (за псоријаза), „Novartis“ успеа да направи двоцифрен приход: продажбата порасна за 13 проценти на 1,1 милијарда долари.
Компанијата укажува на „подмладување“ на приходите од продажба. 43 проценти веќе се должи на новоразвиените лекови, со што се намалува зависноста на фармацевтската компанија од постарите продажни „мотори“ чијашто заштита на патент е пред истекување.
