Профитот на „Morgan Stanley“ порасна во четвртиот квартал, надминувајќи ги предвидувањата, бидејќи деловната трговија на банката ја искористи нестабилноста предизвикана од коронавирусот на финансиските пазари.
Банката, исто така, ги потврди плановите за откуп на акции за 10 милијарди долари во оваа година, откако Федералните резерви им дозволија на големите банки да продолжат со ова во декември.
Нето приходот се искачи на 3,27 милијарди долари или 1,81 долари по акција, во кварталот што заврши на 31-ви декември, од 2,09 милијарди долари или 1,30 долари по акција, една година порано. Аналитичарите очекуваа заработка од 1,27 долари по акција.
Приходите од бизнисот со институционални хартии од вредност, најголемиот извор на приходи на банката, пораснаа на 7 милијарди долари од 5,05 милијарди долари во минатата година.
Големиот обем на тргување во текот на кварталот се должи на изборите во САД и ослободувањето на вакцини за коронавирусот ја поддржаа трговската единица на банката, која е дел од деловните институции со хартии од вредност.
Нето-приходот се зголеми на 13,64 милијарди долари во кварталот од 10,86 милијарди долари во минатата година, додека приходот од одделот за инвестициско банкарство на компанијата се искачи на 2,30 милијарди долари од 1,58 милијарди долари.
Приходите од продажба и тргување на „Morgan Stanley“ се искачија на 4,22 милијарди долари од 3,19 милијарди долари пред една година.
Коментари