Некој одамна покренал гласини дека белиот ориз е штетен, а дека кафениот или интегрален ориз е здрав. Не е познато точно од каде потекнуваат овие гласини, но сепак тие на многумина им скратија квалитетен извор на јаглени хидрати.
Кога станува збор за оризот, многумина сметаат дека кафениот ориз е поздрав затоа што е побогат со влакна (има три грама влакна, за разлика од белиот кој содржи 0,5 грама во една шолја варен ориз) и така подолго време ве држи сити.
Меѓутоа, бидејќи оризот главно е само една од компонентите во оброкот, личноста која јаде, да кажеме, вариово од леќа и зеленчук со ориз, може да го одбере било кој ориз и да не забележи разлика во ситоста по јадењето.
Освен тоа, кафениот ориз содржи одредени состојки во својата мембрана кои не се добри за консумација и со кои билката се брани од штетниците, а тоа бидејќи го нема во белиот ориз, го прави полесен за варење од кафениот.
Коментари