петок, 2 декември 2022
ПочетнаЗДРАВЈЕЧудо од кујната: Ова семе го намалува холестеролот и го подобрува варењето

Чудо од кујната: Ова семе го намалува холестеролот и го подобрува варењето

Во последно време оваа житарица е се попопуларна во светот. Од неа се прават леб и тестенини, рижото, а можат да се испечат и многу вкусни палачинки.

Спелт или спелта е житарка слична на пченицата која потекнува од Азија каде се одгледува последните 7000 години.

Во последно време и во нашата земја зајакна нејзината популарност бидејќи во нутритивна смисла е побогата од пченицата, а поради помалиот процент на глутен полесна е и за органите за варење.

Токму затоа житарката спелт е погодна за прехрана за сите генерации, особено за децата и повозрасните. Обично се консумира во облик на варено излупено зрно како прилог со јадењата, во салатите или варивата. Од друга страна, од нејзиното брашно и снегулки се подготвуваат и леб, тестенини и слични производи.

Спелт е богата со витамините Б-комплекс и витамин К, содржи магнезиум, цинк, железо и манган, како и калиум, калциум и селен. Во 100 грама спелт се наоѓаат дури 14 грама белковини, па станува збор за намирница која навистина заситува. Не треба да се заборави дека изобилува и со влакна кои го намалуваат нивото на лош холестерол во крвта, го регулираат нивото на шеќер и поттикнуваат подобра работа на органите за варење.

Житарката спелт пријатно делува и на зајакнувањето на имунитетот, опуштањето на нервниот систем, а ја поттикнува и работата на метаболизмот, па се смета за сојузник при слабеењето.

За да уживате во благодетите на оваа житарка потребно е добро да ја изџвакате и соодветно термички да ја обработите. Целите зрна од спелт е потребно да ги потопите преку ноќ, а потоа да ги варите со вода во размер 1:3 меѓу 60-90 минути.

НАЈНОВИ ВЕСТИ

ХОРОСКОП