„Commerzbank AG“ во понеделникот објави дека ќе издвои 610 милиони евра (743,2 милиони долари) во четвртиот квартал поврзани со нејзината програма за преструктуирање и дека ќе бидат објавени повеќе мерки во првиот квартал од следната година, како дел од новата стратегија.
Германската банка соопшти дека постигнала договор со работничкиот совет за планираните мерки што треба да се спроведат помеѓу 2021-ва и 2024-та година, врз основа на нејзината стратегија „Commerzbank 5,0“.
Одредбите кои што ќе се резервираат во четвртиот квартал се поврзани со 2.300 намалувања на работни места и ќе влијаат на кварталните резултати. Во септември 2019-та година, банката објави планови за намалување на вкупно 4.300 работни места.
„Како што е најавено, најавуваме дополнителни трошоци за преструктуирање во четвртиот квартал“, рече главната финансиска директорка Бетина Орлоп.
„Како резултат на тоа, ние создаваме основа за апсолутно неопходни заштеди на трошоците во иднина“, додаде таа.
„Commerzbank“ соопшти дека новите мерки ќе бидат објавени во првите три месеци од следната година, додавајќи дека деталите за ваквите иницијативи сè уште не се направени.
