Инвестициите во европските стартапи се опоравија од пролетниот шок предизвикан од пандемијата и сега се на пат да достигнат рекордно високо ниво во оваа година, според фирмата за ризичен капитал „Atomico“, цитирана од „Reuters“.
Ризичните инвестиции во технолошките компании закрепнаа на месечен рекорд од 5 милијарди долари во септември, и за цела 2020-та година се очекуваат 41 милијарда долари, предвидува студијата.
„Ова е извонреден сигнал за отпорност на екосистемот“, рече Том Вајмајер, коавтор на извештајот на „Atomico“.
Со 115 „еднорози“ поддржани од ризичен капитал (компании проценети на повеќе од 1 милијарда долари), вкупната проценка на технолошките компании основани во Европа од 2000-та година, порасна на скоро 1 трилион долари.
Услугата за стриминг на музика „Spotify“ и компанијата за плаќање „Adyen“ се на врвот на листата со најголем рејтинг од над 50 милијарди долари, што ги става во првите 10 на европските стартапи за технологија.
Шведската финтех компанија „Klarna“ и романската компанија за софтвер за роботи „UiPath“ добија проценки од над 10 милијарди долари, иако останаа приватни. Ова го одразува растот на индустријата за ризични капитал во регионот.
Иако Европа сè уште заостанува зад Северна Америка во однос на инвестициите, износот на институционални средства што се влеваат во ризичен капитал е тројно зголемен во последните пет години, пишува „Atomico“.
Според извештајот, 24-те најголеми европски технолошки компании создадоа мрежа од над 3.000 основачи на нови компании.
Здравствените технологии се издвојуваат како победници за време на пандемијата, привлекувајќи 3,2 милијарди долари за првите девет месеци од годинава, но компаниите за корпоративен софтвер и финтех решенија, исто така се претставија добро.
Платформата за настани преку Интернет „Hopin“ наскоро стана европска компанија која брзо ја надмина проценката од 1 милијарда долари, за само 17 месеци, тврди платформата за податоци „Dealroom.co“.
Иако компаниите за туристичка технологија беа сериозно погодени од блокадите, берлинските стартапи „GetYourGuide“ и „Omio“ привлекоа свеж капитал од инвеститори кои очекуваат двете компании да напредуваат по пандемијата.
До октомври, Европа забележа 32 првични јавни понуди на технолошки компании, со само три достигнати проценки од над една милијарда долари. ИПО-то во САД фрлија сенка врз нив со оглед на нивната големина. Поголемите компании сè уште гравитираат околу Њујорк кога станува збор за списоците. Сепак, добро прифатените ИПО-а на „The Hut Group“ во Лондон и „Allegro“ во Варшава покажуваат дека локалните пазари сè уште се отворени.
„Планирани првични јавни предлози за 2021-ва година во Европа изгледаат ветувачки“, рече Вајмаер.
Според него, другите опции добиваат популарност. Овие вклучуваат аквизиции од поголеми играчи на технологија, од постари компании кои бараат иновации и од приватни капитални фондови, кои склучуваат поголеми зделки.
