„McDonald’s“ објави подобри од очекуваните резултати за третиот квартал во услови на глобална пандемија што продолжи да ги зајакнува бизнисите за минување со автомобили и достава до дома, пренесува „Bloomberg“.
Ланецот за брза храна објави приход од 5,42 милијарди долари, што ги надмина очекувањата на аналитичарите четврти последователен квартал. Прилагодената заработка по акција од 2,22 американски долари е исто така подобра од очекуваната.
Синџирот за брза храна претходно објави споредлива продажба за кварталот, вклучително и раст од 4,6% во САД, што, сепак, не беше доволен да се компензира за лошите перформанси во странство. На глобално ниво, споредливата продажба се намалила за 2,2%.
Појаките резултати од очекуваните беа објавени во време кога клиентите сè повеќе се свртуваат кон брзата храна. Компанијата веќе го зголеми својот дигитален бизнис пред пандемијата, вклучувајќи нарачки преку екран на допир и повеќе опции за достава до дома. Ова му овозможи да ја одржи продажбата, иако јадењето во затворени простории беше привремено затворено на почетокот на оваа година во делови на САД и пошироко.
Акциите на „McDonald’s“ пораснаа за 6,5% во берзанското тргување во понеделникот во Њујорк. Тие се во пораст од 9,6% од почетокот на годината до минатиот петок, малку надминувајќи го растот на широкиот „S&P 500“ за годинава.
Сепак, предизвиците остануваат. Компанијата рече дека многу од нејзините клучни пазари повторно воведоа ограничувања во рестораните, од намалено работно време до затворање, вклучително и во Франција, Германија, Канада и Велика Британија. До кварталот до 30-ти септември, компанијата со седиште во Чикаго веќе објави негативна споредлива продажба во Латинска Америка, Кина и голем број клучни европски пазари.
Перформансите се посилни на домашниот пазар на „McDonald’s“. Силниот бизнис во САД со автомобилски услуги и ограничените изданија на ѕездените менија, вклучувајќи ги Тревис Скот и Џеј Балвин, и помогнаа на компанијата да се врати во раст на американскиот пазар.
Компанијата ќе одржи виртуелен состанок со инвеститорите во понеделник за да ги сподели своите стратешки приоритети и плановите за иден раст, соопшти „McDonald’ѕ“ при објавувањето на своите резултати.
