„Exxon Mobil“ продолжува да тоне и веќе бележи трет последователен квартал со загуба, пренесува „Reuters“. Во периодот јули – септември, компанијата објави загуба од 680 милиони долари, во споредба со добивката од 3,17 милијарди долари за истиот период во 2019-та година.
Главната причина за овој негативен резултат е тековната криза со ширењето на коронавирусот, што доведува до намалување на побарувачката и, следствено, на цените на нафтата. Компанијата објаснува дека очекува долгорочната побарувачка на горива да се опорави кога „повеќе луѓе ќе се приклучат на средната класа ширум светот“.
Поради негативните финансиски резултати, најголемиот производител на нафта во САД (според производството) ги намали капиталните трошоци за 23 милијарди долари во оваа година. Во 2021-ва година, ова ќе продолжи и трошоците ќе бидат пониски од 16 до 19 милијарди долари.
Наспроти позадината на тешката криза во компанијата, раководството одлучи да го задржи износот на дивиденда. За прв пат од 1982-ра година нема да има зголемување на парите на акционерите, додаде „Reuters“.
До неодамна, „Exxon Mobil“ беше најголемата енергетска компанија во САД според пазарната капитализација. Сепак, од почетокот на 2020-та година, нејзините акции паднаа за 55% и веќе заостанува зад своите конкуренти, вклучително и „Chevron“.
