Благодарение на Gevino Wines македонското вино денес е многу подостапно до македонскиот потрошувач. Овој наш вински бренд кој доаѓа од реномираната гевгелиска винарија Риго Импекс последниве две години ни овозможува уникатно персонализирано потрошувачко искуство. Со својата прифатлива цена, со доставата до домовите, вината на Гевино се сѐ почесто присутни во нашите домови, ресторани, овозможувајќи ни да уживаме во вкусот на квалитетните македонски вина. По тој повод разговараме со Дејан Мишковски, млад и успешен претприемач кој е најодговорен за развој на овој наш бренд.
Денар: Од каде идејата за Gevino Wines персонализирани македонски вина?
Идејата дојде од потребата да креираме едно поинакво искуство за потрошувачите. Да креираме персонализирано винско искуство прилагодено кон потребите и желбите на потрошувачите. Да предизвикаме позитивни емоции, а истовремено да потикнеме почеста консумација на македонско вино, како производ кој има многу бенефити за здравјето.
Сакавме да постигнеме препознатливост, нудејќи вино по одлична цена и квалитет, а сето тоа збогатено со персонално искуство. Токму овој пристап ни овозможи постојано да имаме континуиран раст, луѓето да се одлучуваат за нашите вина и секојдневно да ги употребуваат. Моментално можат да се најдат во повеќе од 200 маркети и ресторани ширум Македонија, во линија од 4 типа на вино, Вранец, Смедеревка, Розе и Мерло соодветно амбалажирани во асортиман од над 10 производи за задоволувње на сечиј вкус и потреба.
Денар: За кого се наменети овие вина, и какви се реакциите на луѓето?
Нашите вина се наменети за сите оние кои што препознаваат квалитетно вино, кои сакаат добро вино, а што преферираат персонализирано винско искуство. Гевино вината нудат спој на функционалните и емотивните карактеристики. Преку креативните етикети кои се out of the box, потрошувачите можат и самите да учествуваат во нивната персонална креација, и на таков начин да бидат дел од нивната винска проказна
Најголем дел од потрошувачите кои веќе имаат нарачано вино од нас се враќаат повторно, го препознаваат нашиот труд и квалитетот на нашите производи, а по наши сознанија тие се веќе наши лојални потрошувачи и на нашите вина од нашата редовна линија.
Денар: Колку трае еден циклус, од нарачка до изработна на лична етикета па до достава?
Нашиот тим е во постојана комуникација со нашите потрошувачи и наш врвен приоритет е квалитетот и експедитивноста, а наша најголема грижа е секој еден клиент да биде апсолутно задоволен од неговиот избор. Па затоа, вообичаено нарачките се подготвени и доставени во рок од 1 работен ден. Кога станува збор за персонализирани вина наменети за маркети, вообичено нарачките се подготвуваат една недела пред да почне доставата, односно секогаш се стремиме вината да бидат достапни минимум една недела пред настанот за кој се наменети се со цел потрошувачите да имаат доволно време да дознаат за истите и да можат навремено да ги купат.
Денар: Променувате т.н. паметен или content маркетинг колку ваквиот пристап ви помага во развојот на бизнисот?
Како млад тим секогаш се трудиме да бидеме во тренд со светските случувања, постојано сме посветени на обуки и семинари како во нашата држава, така и надвор од неа, па затоа сметам дека воопшто не ни претставува проблем да го таргетираме точно она за кое што сметаме дека нашата публика е најзаинтересирана. Преку користење на сите социјални мрежи како и на нашата веб страна www.gevino.com.mk, се трудиме да допреме до што поголема целна група, на начин на којшто секој оној што ќе го види постот да не остане рамнодушен. Содржините се секогаш различни и се од секаков тип, од едукативни до забавни, за најмлади до највозрасни, од консументи на вино за забава до страствени љубители на добра чашка. Фидбекот е позитивен, често сме споделувани, нешто на кое што сме особено горди, а дури понекогаш можеме да ги видиме нашите идеи користени и од други компании.
Денар: Редовното и умерено консумирање вино носи многу здравствени придобивки. Неретко се вели дека го продолжува и нашиот животен век. Кој е вашиот совет за потрошувачите?
Придобивките од умерено консумирање на квалитетно вино се огромни, и со самото тоа, виното по своето позитивно влијание на човечкиот организам не може да се спореди со ниту еден друг вид на пијалок. Виното е полно со витамини и минерали од кои најистакнати се витамините А, Б и Ц, а од минералите магнеизум и натриум. Хранливата вредност во еден литар вино изнесува најчесто помеѓу 600-800 калории. Како дел од придобиките можам да набројам:
- Го намалува нивото на вкупен холестерол
- Ги подобрува когнитивните способности
- Го зголемува имунитетот и отпорноста на организмот од болести
- Антиоксидансите со кои е богато ги обновуваат оштетените крвни садови
- Ги штитат забите и сл.
Кога на сето ова ќе додадеме и дека консумацијата на виното со храна како риба, црвено месо, сирење, или пак во комбинација со разновидно овошје е вистинско уживање, тогаш препораката за консумација на вино е повеќе од доволна.
На крај да не заборавиме и дека виното важи за пијалок на боговите.
Денар: Кое вино од Гевино Ви е вам омилено?
Често се наоѓам во ситуација да ме прашаат кое вино е најубаво и најквалитетно. Јас сметам дека се зависи од тоа какво вино се преферира и за каква прилика, дали и со каква храна ќе се консумира и слично. Сметам дека секое вино од нашиот асортиман е одличен избор, праказна за себе, посебно доживување, нешто кое што секој треба да го искуси пред да донесе одлука за неговиот избор. Сепак, јас лично, најмногу преферирам црвено вино, поточно Гевино Мерло. Истото во зимски услови го комбинирам со црвено месо, а на лето со полесна храна, односно најчесто со разновидни слатки овошја.
