Словенечкиот производител на апарати за домаќинство „Gorenje“ постигна договор за стратешко парнерство со јапонскиот гигант „Panasonic“.
„Врз основа на договорот за партнерство „Panasonic“ во „Gorenje“ ќе инвестира 10 милиони евра и ќе стане трет најголем сопственик“, изјави директорот на „Gorenjе“, Фрањо Бобинац.
„Gorenje“ во соопштението наведува дека партнерството со „Panasonic“ е историски момент во нивните стратешки планови за развој.
Се предвидува на почетокот од соработката „Gorenje“ и „Panasonic“ заедно да ја развиваат новата генерација машини за перење облека за пазарите во ЕУ, а фрижидери со знакот на „Panasonic“ ќе се дистрибуираат во Русија и другите земји од поранешна СССР.
Предвидена е и можност за заедничка дистрибуција на апарати за домаќинство од двете компании.
