Акционерите на јапонскиот производител на автомобили Nissan на денешниот состанокот во Токио изгласале смена на долгогодишниот претседател на управниот одбор на компанијата Карлос Госн, кој се наоѓа во затвор поради сомневање за финансиска измама.
Управата на Nissan го смени Госн од местото директор веднаш по неговото прво апсење на 19 ноември, но акционерите мораа да ја одобрат смената од функцијата главен извршен директор.
Вонредната седница на акционери со 4.200 учесници траеше три часа.
Акционерите го прифатија за член на Управниот одбор на Nissan претседателот на Renault Жан Доминик Сенард, кој им се обрати на крајот од состанокот.