Закрепнете по тешките празнични трпези со помош на следните три супер-напитоци!
Густ сок од цвекло и морков
Состојки:
– 1 големо цвекло или 2 мали
– 2 големи моркови
– јаболко
– ½ лимон
– парче ѓумбир со големина од 2,5 см
Подготовка:
Цвеклото, морковот и јаболкото измијте ги и исецкајте ги на парчиња. Олупете го лимонот и исчистете го од семки, а ѓумбирот олупете го и исецкајте го. Сите состојки ставете ги во блендер и мешајте. По желба можете да додадете јогурт.
Здрав зеленчуков коктел
Состојки:
– чешне бел лук
– 3 гранчиња брокула
– шака листови спанаќ
– 5 моркови
– чили
– сол
– јаболков оцет
– маслиново масло
Подготовка:
Целиот зеленчук ставете го во блендер и мешајте. Добиената смеса зачинете ја со чили, оцет и маслиново масло по вкус. Консумирајте веднаш.
Шејк од зелечук
Состојки:
– 4 домати
– ½ краставица
– ½ зелена пиперка
– чешне лук
Подготовка:
Целиот зеленчук измијте го и исецкајте го на парчиња и ставете го во блендер. Според желба, додадете и малку лимонов сок или мед. Одличен додаток е и морковот исецкан на стапчиња кој ќе послужи како декорација и за мешање.
