Финалистот во Лигата на Шампионите, Борусија Дортмунд ќе го зголеми својот буџет за речиси двојно, објави Извршниот директор на тимот Ханс-Јоаким Вацке.
По одлична сезона на Борусија ќе биде во можност на своите фудбалерите да им ги зголеми платите и тоа поради буџетот кој ќе биде зголемен за речиси 40 проценти.
„За претстојната сезона нашиот буџет за плати ќе биде околу 67-68 милиони евра. Ова дефинитивно е многу повеќе во споредба со последните две-три години”, објасни Вацке.
„Се разбира во споредба со многу други тимови во Европа, ова и не е така голема сума. Но, нашиот раст е хармоничен“, додаде шефот на Борусија.
Во сезоната 2012-13 тимот од Дортмунд даде за плати 48,5 милиони евра. Тоа беше за 13,5 милиони помалку од сезоната 2011-12 и покрај тоа успесите на Борусија беа повторно исклучителни.