Германскиот гигант „Daimler“ најави промена на самиот врв во својата управувачка хиерархија, па така следната година Дитер Цетче ќе биде заменет од Ола Калениус.
Цетче ќе паузира две години, а потоа во 2021-ва ќе го замени Манфред Бишоф на местото директор на Надзорниот одбор, втората клучна позиција во корпорацијата од Штутгарт.
Новиот директор на Управниот одобор, Калениус е во „Daimler“ oд 1995-та година, со пауза од 2003-2005-та кога беше извршен директор на „MCLaren“.
Тој беше директор на маркетинг и продажба, а на новата функција пристигнува од позицијата директор за развој на автомобилите „Mercedes-Benz“.
„На различни позиции во „Daimler“, Калениус го стекна не само моето почитување, туку и признание од своите колеги во различни области. Истовремено, допринесе со вредната меѓународна перспектива. Задоволен сум од оваа одлука“, рече Цетче.
Цетче е во „Daimler“ oд 1976-та, член на УО стана на крајот на 1998-ма, за во 2005-та да стане директор на „Mercedes-Benz“.
