Телекомуникациската компанија „Vodafone Group“ ја потврди прогнозата за фискалната 2019-та година, откако нејзините приходи за првиот квартал се намалија за 4,9% поради валутните флуктуации и усвојувањето на нови сметководствени стандарди, пишува „MarketWatch“.
Приходите за кварталот, кој заврши на 30-ти јуни, изнесуваат 10,91 милијарди евра (12,75 милијарди долари) во споредба со 11,47 милијарди евра една година порано, објави лондонската компанија за телекомуникации. Падот се одразува на усвојувањето на новите 15 сметководствени стандарди, како и предизвиците поврзани со странските валути, прецизира компанијата.
„Vodafone“ изјави дека добрите резултати во Германија и обновата во Велика Британија, комбинирано со континуираниот раст во Африка, Блискиот Исток и Азија-Пацифик, помогнаа за компензирање на зголемената конкуренција во Италија и Шпанија.
Приходите од услуги за кварталот – показател, внимателно следен од аналитичарите, се зголеми за 1,1% на база на новите сметководствени стандарди, објави „Vodafone“. Ако се имаат во предвид претходните барања за сметководството, растот за првиот квартал е 0,3 проценти.
„Vodafone“ потврди дека се уште очекува нејзината корегирана добивка да порасне меѓу 1 и 5% во годината што завршува на 31-ви март 2019-та година.
