Американската банка „Morgan Stanley“ ги урна очекувањата на аналитичарите за профит од единиците за трговија и инвестиции во вториот квартал, објави „CNBC“.
Банката со седиште во Њујорк изјави дека профитот се зголемил за 39% до 2,44 милијарди долари во вторите три месеци на годишна база, надминувајќи ја сериозно оценката за добивка од 2 милијарди долари на аналитичарите анкетирани од „Thomson Reuters“.
Заработката по акција изнесуваше 1.30 долари, и е исто така над прогнозата за 1,11 долари. Приходите се зголемија за 12 отсто на 10,6 милијарди долари, или околу 500 милиони повеќе од очекуваните од страна на аналитичарите.
Акциите се зголемија за повеќе од 3 отсто во брезнаската трговија во Њујорк.
Одделот за тргување со акции на банката, најголем на „Wall Street“, објави приход од 2,5 милијарди долари по добрите резултати на голем број производи. Оценката беше помала тука од 2,29 милијарди долари.
Одделот за тргување со обврзници генерираше 1,4 милијарди долари во прогноза од 1,29 милијарди долари благодарение на повисоките резултати од трговијата со стоки и кредити.
Инвестиционото банкарство, кое вклучува трансакции на акции и обврзници, заработи 1,7 милијарди долари приход при оценка од 1,54 милијарди долари.
„Известувањето за стабилен раст на приходите и профитот за овој квартал е со силно претставување на сите наши бизниси и на сите места“, рече главниот извршен директор Џејмс Горман. „Нашата силна глобална франшиза не позиционира и да продолжиме со сите наши поделби да растеме органски и да обезбедиме оперативна потпора“.
Под раководство на 59-годишниот Горман, „Morgan Stanley“ се фокусира на неговата единица за управување со благосостојбата, многу постабилен бизнис отколку трговијата. Тој, исто така, го реформираше бизнисот со фиксен приход, потег што и помогна на компанијата да ја засени според пазарната капитализација „Goldman Sachs“, претходно во оваа година.
