Велика Британија ќе се обиде да преговара за договор за слободна трговија со Кина, рече британскиот премиер Тереза Мај пред почетокот на нејзината тридневна официјална посета на земјата. Таа рече дека треба веднаш да се преземат дополнителни мерки за отворање на кинескиот пазар за британските компании, објави „Ројтерс“.
За време на нејзината посета, Мај ќе биде придружувана од претставници на бизнисот.
„Кина е земја со која сакаме да имаме трговски договор“, рече премиерот кој ќе пристигне во универзитетскиот град Вухан. Според неа, сепак, додека се постигне таков договор може да се направат уште билатерални трговски односи, како отстранување на потенцијалните бариери и отворањето на кинескиот пазар за британскиот бизнис.
Втората по големина економија во светот во моментов е мал дел од британскиот извоз – 3,1% во 2016-та година.
Според извори на „Ројтерс“ властите во Пекинг изразиле подготвеност да остварат разговори за евентуална идна зделка, иако официјалните преговори не можат да започнат пред Велика Британија конечно да ја напушти Европската унија (ЕУ). Ова може дополнително да го одложи евентуалното постигнување на договорот за слободна трговија, бидејќи процесот обично трае неколку години.
Меѓу поголемите кинески инвестиции во Велика Британија е нуклеарната централа „Hinkley C“, изградена заеднички од „China General Nuclear Power Corp“ и британското единица на француската компанија „EDF“. Во исто време, британските компании како „Rolls Royce“ успеаја да остварат големи договори во Кина за да обезбедат делови, како мотори за авиони и друго.
Пред пристигнувањето во земјата Меј исто така, изјави дека за време на разговорите со кинескиот премиер Си Џинпин ќе го покрене прашањето и за иднината на Хонг Конг, нагласувајќи ја посветеноста на Велика Британија кон правилото за „една држава, два система“ во поранешната британска колонија.
Хонг Конг беше погоден од продемократски протести во 2014-та година – најголем израз на непослушност против Пекинг од 1997-ма година, кога градот бил вратен под јурисдикција на Кина. Властите го потиснаа незадоволството со тоа што му забранија на еден од активистите на протестите да учествуваат на локалните избори во март.
