Францускиот производител на лекови „Sanofi“ ја купува белгиската биотехнолошка компанија „Ablynx“ за сума од 3,9 милијарди евра, победувајќи го значително понискиот предлог на данската „Novo Nordisk“.
Ова е втора голема зделка за „Sanofi“ од почетокот на годината по купувањето на „Bioverativ“ во минатата недела и претставува последователно забрзување на активностите за спојувања и превземања во светскиот биотехнолошки сектор, за кој аналитичарите предвидуваат дарежлива година, посочува агенцијата „Ројтерс“.
Договорот е случува по одбивањето на „Ablynx“ да биде купена од „Novo Nordisk“ за 2,6 милијарди евра.
Француската компанија соопшти дека ќе плати 45 евра по акција – премија од 21,2 отсто над неговата цена по затворањето во петокот.
„Со „Ablynx“ ние продолжуваме да напредуваме во нашата стратегија за транфромирането на нашата научна и развојна дејност и продлабочување во сферата на ретки крвни болести“, посочи извршниот диретор на „Sanofi“, Оливие Брандикур.
Во минатата недела стана јасно дека неговата компанија го купува експертот во истражувањето и третманот на хемофилија „Bioverativ“ за 11,6 милијарди долари – најголемата трансакција на „Sanofi“ за последните седум години.
Од француската компанија посочија дека нивната последна трансакција ќе има позитивен ефект за акционерите и на долг рок, но нема да се одрази врз профитот за акција во 2018-та година и 2019-та година.
„Sanofi“ е еден од најголемите партнери на „Ablynx“, но со купување на компанијата веќе ќе има пристап до едно од највредните нејзините средства – експерименталниот лек „Caplacizumab“ кој се користи во третманот на ретки крвни болести. Според Брандикур лекот ќе го додаде во линијата на производи на компанијата по аквизицијата на „Bioverativ“ и договорот за добивање на правата на лекот „Fitusiran“ од „Alnylam“.
Во 2016-та година, францускиот производител го загуби наддавањето за лекот „Medivation“ за третман на рак на сметка на американскиот „Pfizer“. Тој ја пропушти и можноста да ја купи и швајцарската биотехнолошка компанија „Actelion“ која беше купена од „Johnson & Johnson“ во минатата година.
Акциите на „Sanofi“ не претрпеа големи промени по веста дека француската компанија плаќа многу повеќе за „Ablynx“ од предлогот на „Novo Nordisk“ пред неколку недели.