Американската банка „Wells Fargo“ забележа раст од 18% на профитот за четвртиот квартал од 2017-та година, како резултат на еднократното даночно олеснување, поврзано со новата даночна реформа на претседателот Доналд Трамп, пренесува „Ројтерс“.
Нето добивката е зголемена до 5,74 милијарди долари или 1,16 долари по акција според американските сметководствени стандарди во кварталот до 31-ви декември во однос на 4,87 милијарди долари (96 центи по акција) една година порано.
Кварталот вклучува еднократен поттик од 3,35 милијарди долари од отпишување на одложените даночни обврски на банката, за да ги одрази новите корпоративни даночни стапки во САД.
Акциите на „Wells Fargo“ поевтинија со 1% до 62,32 долари во предпазарната трговија. Падот во почетокот на редовната сесија е речиси 0,8%.
Компанијата која доживува тешкотии со намалувањето на трошоците по скандалот со продажбата на нејзините практики, изјави дека очекува вкупните трошоци за целата 2018-та година да бидат меѓу 53,5 милијарди и 54,5 милијарди долари.
Аналитичарите и инвеститорите внимателно ги следат трошоците на кредиторот со седиште во Сан Франциско, кои достигнаа 60 центи од приходите по избивањето на скандалот во септември 2016-та година. Банката се обидува да го подобри овој клучен показател за ефикасноста.
„Wells Fargo“ забележа бескаматни трошоци за 16,80 милијарди долари за четвртиот квартал, со што вкупните бескаматни трошоци за годината се зголемуваат до 58,48 милијарди долари.
Аналитичарите очекуваа просечните бескаматни трошоци да бидат 54,62 милијарди долари за 2017-та година.
Вкупните приходи се зголемија за 2,2% до 22,05 милијарди долари, поддржани од сегментот на бизнис кредитирањето.
