Јапонската автомобилска компанија „Nissan“ повлекува 127.738 свои возила во Русија, соопшти рускиот регулатор Ростандард.
„Причина за повлекувањето на моделите на Nissan „note“ и „tiida“, произведени во периодот од 30 август 2008 година до 1 август 2014 година, е потенцијално погрешното активирање на воздушните перничиња на возачите“, се наведува во соопштението на регулаторот, пренесува руската агенција Тас.
Генераторите на гас во неисправните воздушни перничиња ќе бидат проверени и заменети со нови таму каде што има потреба, а сите поправки ќе бидат бесплатни за сопствениците на возилата, додава регулаторот.